七月見證朋友幸福，十月籌備屬於我哋嘅婚禮
七月嗰陣陪朋友 Jason 去會展行婚紗展，佢哋真係「一去就中」——揀到靚靚婚紗、訂到心水宴會場地！轉眼間佢哋已經過住幸福滿瀉嘅生活，而我同女友 Mandy 最近都正式開始籌備婚禮啦。
轉眼已經嚟到十一月，知道十一月又有大型婚禮博覽喺會展舉行，係《香港婚紗展暨結婚博覽2025》同《香港婚宴博覽2025》，查實我哋一早已經 mark 低日子！呢場婚展將於 11 月 7 至 9 日 喺灣仔會展 Hall 5EFG 舉行，睇 過大會公佈今年嘅內容，又多又豐富，完全係準新人嘅天堂。
圖片來源:網路
一站式婚禮天堂 230 間商戶一次過睇晒
講到籌備婚禮，最怕就係要周圍搵資料、比價、睇場地。今次婚展就幫大家慳晒啲功夫——超過 230 間婚禮品牌 同場出現，婚紗攝影、婚禮錄影、婚紗晚裝、新郎禮服、珠寶首飾、酒樓酒店、婚禮佈置、結婚禮餅、婚禮禮品、婚前檢查、證婚服務、婚禮統籌、海外婚禮、花車囍帖、過大禮等，全部一應俱全！
可以快啲完成結婚準備、又唔駛攰到爆，呢度簡直係一個「超級婚禮廣場」。
圖片來源:網路
星級餅咭優惠 人氣品牌勁抵入手
講起婚展優惠，最吸引一定係「星級餅咭專區」。
今年有 17 間人氣品牌 參展，包括 奇華、A-1 Bakery、榮華、美心西餅、東海堂 アローム、恆香、Chateraise、Häagen-Dazs™、鴻褔堂、LIFETASTIC、LUCULLUS、PAUL LAFAYET、曲奇四重奏、永樂粉麵廠、阿嫲現烤手工蛋糕、銀杏館、Grandma’s Scones。
全部都以優惠價發售，無論你鍾意傳統中式定西式甜品，都可以用超抵價買到心水餅咭，送禮之餘又有心思。
購票入場即賞禮品包＋必中抽獎 行完都開心
只要情侶二人同時購票入場，就會送出豐富嘅禮品包一份，包括：李錦記頭道原釀海鮮頭抽及舊庄特級蠔油、Be Pure 酒の御守(單包散裝)、馬百良秋梨潤喉蜜試食裝、WOW Fitness 試堂券、DoDoME MINI 洗面巾(8片)、著數指南及更多神祕禮物等（送完即止）。
而且凡喺場內消費滿 HK$1,000，即可參加「必中抽獎」，有機會贏取嫁喜餅卡、名貴海味、美容護膚品、婚禮洋酒等，真係行完都唔會空手而回。
婚展「賞」分攻略 籌備婚禮都可以賺積分
今年婚展首次同「易賞錢」合作，推出全新積分活動：
- 情侶購買兩張門票入場，即可享 $1 = 1 分
- 完成「幸福積Fun站」指定任務，可賺取高達 800 分
- 每日首 100 位於場內登記單一消費滿 $1,000 的新人，可額外送 1,000 分
行婚展都可以儲分，之後換禮物或者優惠，開心之餘又著數！
愛心加持 幸福延伸到社會
除咗優惠，婚展今年仲搞咗個「愛の消費幸福傳遞」慈善活動。
只要入場人士完成「購物獎賞大贈送」抽獎，就會拎到一張價值 HK$10 嘅慈善券，可以自由捐畀是次慈善活動的四間機構中的其間一間，包括家福會、苗圃行動、惜食堂或保護遺棄動物協會。只需要將慈善券投入活動攤位的相應籌款箱內，主辦機構會於展覽最後一日結算，並把相應金額捐贈予所選機構。籌備婚禮同時又能行善，感覺更有意義。
圖片來源:網路
情侶活動爆甜度 挑戰默契＋測緣份
「心跳零距離挑戰」
去婚展點少得啲互動活動？最受歡迎嘅「心跳零距離挑戰」又返嚟啦！
情侶要面對面，一人咬住百力滋一端，慢慢向中間靠近，當嘴唇相遇嗰刻就挑戰成功，仲有精美禮品送添～
我已經同 Mandy 講好，到時一定要去挑戰下，睇吓我哋嘅默契有幾高！
「幸福靈數配對站」
另外仲有「幸福靈數配對站」，由 Love Healing Craft 導師幫準新人用生命靈數分析緣分深度，了解佢哋嘅性格同愛情密碼，輕鬆又浪漫。
免費婚色分析＋擇日服務 幫你打造最完美一日
「模範夫妻婚色事務所」打造最美花嫁
婚展特設「模範夫妻婚色事務所」，由「析色生妝」嘅色彩鑑定團隊親自坐鎮，為準新人提供免費個人色彩分析服務。女仔最關心梗係婚紗顏色啱唔啱襯，專業鑑定師會根據髮色、膚色同眼珠顏色，幫準新人搵出最適合自己嘅季節色系，打造專屬「命定色」。
團隊成員均擁有 TQUK 國際證書認可，除咗提供專業色彩建議，仲會為新人分享婚紗晚裝配色技巧，等每位新娘都可以以最完美嘅姿態示人。
「聚玄館」免費擇日服務
另外，「聚玄館」師傅亦會提供 免費擇日服務，用紫微斗數幫準新人揀出最有利婚期，寓意感情、事業、財運都順風順水，並會參考命盤中的婚姻、子女、財帛等星曜因素，為情侶搵出最有利嘅良辰吉日。
綠幕打卡＋我賞你Like 留低甜蜜回憶
「綠幕奇幻打卡の旅」可以話係全場最受歡迎打卡位。情侶可以揀自己鍾意嘅浪漫場景，影完相由工作人員即場幫你合成入畫面，效果自然又有趣。
另外仲有「我賞你Like」活動，只要 Like 主辦單位 Facebook 或 IG 專頁、Like & Share 指定帖文，並填交簡單表格，登記成為「GetMarried.hk」會員, 即可獲小禮物一份。
講座與示範
會場舞台亦設有多個講座與示範，俾準新人喺搜集資料同時吸收更多實用貼士。
從朋友婚禮到我哋嘅幸福開始
七月見證朋友幸福成婚，到而家輪到我同 Mandy 準備，我終於明白點解每個人都話婚展係「準新人的第一站」。可以一次過睇晒婚禮所需、又有禮物抽獎同互動活動，相信整個過程都會充滿甜蜜氣氛，為我哋喺呢個幸福旅程中留下甜蜜回憶。
「香港婚紗展暨結婚博覽2025」及「香港婚宴博覽2025」
📅 日期：2025 年 11 月 7 至 9 日
📍 地點：香港會議展覽中心 Hall 5EFG
🕛 時間：中午 12 時至晚上 8 時
🎟️ 入場費：HK$25 / 位
🌐 網址：www.wedding.expo.com.hk
以上內容如有更改，以大會最後公佈為準。活動受條款約束，詳情請參閱會場內告示。
如果你都準備踏上婚禮之路，不妨同你另一半一齊去會展行個圈，感受幸福、攞靈感、攞著數，為你哋嘅大日子揭開完美序幕。