大型婚展全城矚目 解鎖無限婚禮靈感
話咁快就嚟到你同另一半攜手步入人生新階段嘅時刻！想籌備個靚靚婚禮又唔想四處奔波？咁你就要mark低呢個大日子：11月7至9號「香港婚紗展暨結婚博覽2025」及「香港婚宴博覽2025」，灣仔會展Hall 5EFG，呢個大型婚展簡直係你嘅「婚禮百寶袋」，一站式幫你搵齊所有婚禮服務同結婚用品，仲有超多優惠同好玩活動，等你同你嘅真命天子/天女開開心心咁計劃你哋人生既完美時刻！
婚禮萬物超市：等你嚟掃貨！
呢個婚展真係可以用一個字嚟形容：齊！超過230間參展商，婚紗攝影、婚禮攝錄、婚紗晚裝、新郎禮服，以至酒店及酒樓囍宴、珠寶首飾、婚禮佈置、結婚禮餅、結婚禮品、婚前檢查，甚至連證婚服務都有！想中式、西式、簡約或華麗，呢度統統幫你搞掂。唔使周圍搵，慳時間又慳精神，孖住你嘅另一半一齊嚟，包你滿載而歸！
餅咭禮券優惠：17大星級品牌最抵優惠此中尋！
講到結婚，又點少得餅咭禮券？今次婚展有17間星級人氣品牌，包括奇華、A-1 Bakery、榮華、美心西餅、東海堂 アローム、恆香、Chateraise、Häagen-Dazs™、鴻褔堂、LIFETASTIC、LUCULLUS、PAUL LAFAYET、曲奇四重奏、永樂粉麵廠、阿嫲現烤手工蛋糕、銀杏館及Grandma’s Scones，無論係中式禮餅或西式甜品，均以優惠折扣發售，總有一款啱你心水！
做人有禮，入場都要有禮，仲有「必中」抽獎！
購票入場（需情侶二人同時購票）即刻拎到一個豐富禮品包，入面有李錦記頭道原釀海鮮頭抽及舊庄特級蠔油、Be Pure酒の御守 (單包散裝)、馬百良秋梨潤喉蜜試食裝、WOW Fitness試堂券、DoDoME MINI洗面巾(8片)、著數指南及更多神祕禮物等！數量有限，送完即止，唔好遲到！如果喺場內消費滿$1,000，仲可以參加「必中」抽獎一次！係，你冇睇錯，係「必中」！禮品種類包括嫁喜餅卡、名貴海味、美容護膚品、婚禮洋酒等，等你帶埋好運同禮物一齊返屋企！
易賞錢活動：買得多時賺得多！
今次婚展同「易賞錢」合作，畀你一邊買一邊賺積分！買兩張門票即享有$1=1分，完成「幸福積Fun站」任務最高攞800分，如果係每日頭100位單一消費滿$1,000嘅新人，仲有額外1,000分！籌婚禮都可以賺分，快啲捉埋你嘅partner一齊嚟！
慈善活動：婚禮滿愛心！
婚展唔單止幫你籌備婚禮，仲有機會做善事！只要入場人士喺場內消費並完成「購物獎賞大贈送」抽獎，即可獲一張價值$10嘅慈善券，你可自行選擇將慈善券捐贈予參與是次慈善活動嘅四間機構之一，包括家福會、苗圃行動、惜食堂及保護遺棄動物協會。只需要將慈善券投入是項活動攤位中嘅籌款箱，主辦機構會喺展覽最後一日結算，並將相應金額捐贈予相應嘅慈善機構。幫人又幫自己，結個婚仲可以為社會出一分力，咁有意義嘅事，點可以唔支持？
好玩活動：甜蜜又好笑！
- 「心跳零距離挑戰」：同你嘅另一半咬住百力滋，慢慢靠近直到雙唇相遇，重溫你哋嘅心動時刻！挑戰成功更可獲贈精美禮品一份！
- 「模範夫妻婚色事務所」：由擁有TQUK國際證書認可嘅「析色生妝」色彩鑒定師幫你分析膚色、髮色及眼珠顏色，搵出最適合你嘅婚紗同晚裝顏色！
- 「免費擇日服務」：聚玄館師傅用紫微斗數幫你同另一半揀個兼顧愛情、事業同財運嘅良辰吉日！
- 「幸福靈數配對站」：想知你同另一半有幾啱key？ Love Healing Craft 嘅專業導師用生命靈數幫你分析愛情密碼，仲可以了解對方性格！
- 「綠幕奇幻打卡站」：同你嘅另一半喺綠幕前影靚相，揀個心水場景，工作人員幫你合成一張獨一無二嘅情侶照，見證您哋嘅甜蜜回憶！
- 「我賞你Like」：Like同Share大會嘅Facebook/IG專頁「Wedding Expo 香港婚慶．博覽網」指定帖文，填張簡單表格，登記成為「GetMarried.hk」會員, 就有小禮物拎！
講座同示範：貼地又實用！
大會舞台特備多個講座同示範，同你分享最新最貼地嘅實用婚禮資訊，等你同你嘅另一半即刻變身婚禮達人！
活動詳情
日期：2025年11月7-9日
時間：中午12點至晚上8點
地點：灣仔會展Hall 5EFG
入場費：$25/位
網址：www.wedding.expo.com.hk
呢個婚展絕對係你嘅結婚好幫手！有齊婚禮所需服務、用品，仲有優惠、禮品同好玩活動，等你可以同另一半輕鬆又開心咁籌備你哋嘅大日子！快Ｄ孖住你嘅愛人一齊去，畀你嘅婚禮旅程加點甜蜜同驚喜！ 想知道更多記得上官網check check，唔好miss呢個重要日子！
（內容如有更改，以大會公佈為準，詳情睇會場告示或網站。）